Филозофии за среќа од различни земји низ светот кои треба да почнете да ги следите

Среќата за секого има различно значење и секој на различен начин ја доживува, но во некои земји постојат одредени филозофии за среќа кои луѓето ги практикуваат.

Некои земји низ светот се грижат луѓето да уживаат во животот, а доколку барате начин за ослободување од стрес и наоѓање среќа, тие го имаат рецептот.

Во продолжение следат неколку концепти за среќа од различни земји кои може да ги применувате и вие:

Kalsarikänni (Финска)

Доколку сакате буквално да го сфатите значењето на зборот, истиот би се опишал од прилика вака – „пиење алкохол дома, облечени во долна облека, без да имате никакви обврски“.

За разлика од другите скандинавски концепти за среќа, овој не наложува дека треба да имате совршено уредена околина и удобно катче, туку е многу пореален.

Kalsarikänni рецептот за среќа:

Си доаѓате дома навечер, ги облекувате најудобните пижами и топли чорапи, отворате шише вино, земате грицки, чоколатца и сè што ве прави среќни и исполнети, пуштате добра музика и се релаксирате без ништо да ви пречи.

Shinrin-yoku (Јапонија)

Во превод ова би значело бања во шума, а поентата на оваа терапија е да уживате во природата и да го пронајдете својот мир во неа, а важи за уникатен метод за борба против депресија и стрес.

Рецептот за среќа:

Одите во шума, си наоѓате мирно место и искористете ги сите сетила – гледајте наоколу, дишете, слушајте шумови, допирајте ја природата и вкусете го воздухот.

Затворете ги очите и почувствувајте ја хармонијата, па правете го она што најмногу ве исполнува – цртање, шетање, медитирање и слично.

Ikigai (Јапонија)

На јапонски ова би значело „суштина на животот“, но има дефиниција која подобро го опишува зборот и концептот – причина што ќе ве натера да станете наутро.

Дали тоа ќе биде мирисот на кафе, вашиот партнер, миленичето или возбудлив проект на работа – важно да ве натера да посакате да го започнете денот.

Рецептот за среќа:

Започнете го утрото со омилената храна. Така полесно ќе сакате да се расоните и да продолжите со денот во добро расположение. Направете некои промени во животот и поминете барем 1 час во денот на омиленото хоби.

Бидете храбри, љубопитни и независни кога се работи за туѓите мислења. Но, не треба да ве прави среќни повредувањето на другите. Бидете среќни кога малите и добри работи се случуваат. Нека ви бидат цел процесите.

Lykke (Данска)

Зборот во превод значи среќа, а целта на концептот е да се постигне универзална радост и секојдневно уживање во животот.

Рецептот за среќа:

Направете нешто добро со што сите ќе се чувствуваат среќно – на пример, одете кај соседите или кај пријател и однесете им некое вкусно јадење. Или, насмевнете му се на странец и посакајте му убав ден. Променете го работното место ако не ви се допаѓа. Не го трошете животот на безвреден начин и не се ограничувајте.

Pali-pali (Јужна Кореја)

Иако во многу земји среќата е способност да се живее во моментот, да се биде смирен и да се одржува бавно темпо, во Јужна Кореја сè е наопаку.

Во оваа земја луѓето секогаш се во брзање, а значењето на pali-pali е „побрзо-побрзо“.

Рецептот за среќа:

Најважното правило е да не пропуштате шанси и да ги користите брзо. Со цел да имате нормален живот со брзо темпо, следете ги следните правила – правете распоред, јадете добра храна, но не губете многу време на готвење и пејте почесто. Не престанувајте да учите и искористете го знаењето на најдобар начин.

Coorie (Шкотска)

Во превод ова значи галење, прегрнување и туткање, а секако во земја со ладна клима, удобноста игра голема улога.

Исто така, соединувањето со природата е многу важно во оваа земја, како и комуникацијата и зближувањето со животните.

Ритуалите, традициите и татковината се од клучно значење.

Рецептот за среќа:

Одете на почести прошетки со миленикот на убави места со прекрасна природа. Не размислувајте на ладното или инсектите, туку фокусирајте се на предностите и убавините. Пуштете си добра музика и слушајте ги звуците на природата, одете на кафе со пријателите и зборувајте за некои интересни идеи наместо да озборувате.

M. M. | Црнобело