Топ 5 работи на кои богатите трошат најмногу пари

Повеќе не е тренд парите да се покажат, туку да се скријат. Фалењето со скапи материјални работи е АУТ, фалењето со здрав животен стил е ИН.

Богатите луѓе сè помалку инвестираат во материјални работи, а сè повеќе во животен стил и навики.

Louis Vuitton чантите сега се заменети инвестирањето во здравиот начин на живот, а скапите автомобили со добра едукација.

Топ 5 работи во кои инвестираат богатите:

Едукација

Доброто образование е основа за искачување на социјалната скала и остварување на контакти за успешна иднина.

Здрав начин на живот

Здрав режим на исхрана, редовни тренинзи, купување на органска храна, консумирање на 100% природни џусеви, масажи и третмани се работите на кои богатите не штедат.

Патувања

Тие инвестираат многу во патувања и тоа не само во типичните одмори, туку и по бегства од сè, кои траат и по еден месец, за да ги наполнат батериите. Од екстремни авантури во дивина до престој во луксузни одморалишта, изборот е различен.

Сигурност и приватност

Наместо во инвестирање што повеќе да го прикажат богатството, тие сè повеќе инвестираат да останат сокриени од радарот. Од тргање на нивните домови од мапите до ангажирање архитекти за градење на куќи дури и под земја, кои чинат стотици илјади евра. Тие инвестираат и во програми за обезбедување, како и персонал.

Ексклузивност и работи по мерка

Тие не сакаат какво било искуство, туку сакаат нешто уникатно и персонализирано. На пример на патувањата некогаш ангажираат коктел мајстор кој специјално за нив во собата ќе меша пијалаци. За нив најпосакувано нешто не е она кое е најскапо, туку она кое не секој може да го има.

С. С. | Црнобело