Работи за кои вреди да се борите секој ден

Понекогаш чувствуваме дека немаме доволно сила, енергија и желба да се бориме за работите кои ги сакаме и заслужуваме во животот.

Но запомнете, постојат работи за кои секогаш треба да се борите, без компромиси.

Квалитетот на вашиот карактер

Не постојат лесни цели. Целта е точка на достигнување која бара напор и посветеност. Во иднината нема да се сеќавате на лесните денови, но ќе ги цените моментите кога сте се издигнале над тешкотиите и кога сте постигнале големи цели. Моќта која ја поседувате во себе ќе ви дозволи да постигнете нешто што можеби изгледа сосема невозможно.

Искреност и вистина

Личниот раст и развој можат да бидат многу корисни, но само кога процесот на промената е заснован на искреноста и вистината. Кога не сте автентични во вашиот живот, секој обид за раст и развој ќе доведе до лутина и фрустрација.

Ум без завист и љубомора

Да се биде љубоморен на она што некој го има е исто како да пиете отров и очекувате да бидте подобро. Наместо да се уништувате размислувајќи за работите што ги немате или за работи кои  не сакате да се случат, размислувајте за работите што ги имате и што можете да направите за да напредувате.

Позитивна промена

Кога сте во ситуација во која не сакате да бидете секоја промена звучи привлечно. Меѓутоа, ненасочена промена (која се случува само да промените нешто) нема нужно да ви помогне. Кога размсислувате за промена важно е да знаете дека истата треба да ве доведе до подобро место.

Разберете дека промените се одличен мотиватор, но за да постигнете позитивен ефект морате да создавате вредни работи. Не треба да се борите против она што не го сакате - направете го она што го сакате. Не ги казнувајте оние кои ве повредуваат – фокусирајте се на она што ќе ви помогне да ги ублажите болките.

Вистинска љубов

Не постои сродна душа која ќе ги реши сите ваши проблеми. Не постои љубов на прв поглед која ќе трае без инвестирање во неа, напор и посветеност. Но постојат луѓе за кои вреди да се борите. Не затоа што таа личност е совршена, туку затоа што таа личност не е совршена на сите начини кои вас ви одговараат.

Ашера | Црнобело