Чудни работи кои луѓето ги прават за роденден во различни земји низ светот

За некои, роденденот е најубавиот ден во годината, на кој му се радуваат и големи и мали, а други пак, не даваат некое посебно значење, освен ако не се работи за јубилеј.

Секој човек има различно гледање на роденденот и практикува различни традиции на тој ден, но овие традиции се разликуваат и во земјите низ светот.

Ако во некоја земја е нормално овој ден да се прослави со роденденска торта, во други земји има некои сосема поинакви обичаи кои луѓето ги следат.

Кај нас најчесто, се пее роденденска песна, се дуваат свеќички на торта и се тегнат уши колку што се полнат години (доколку славеникот е дете).

Во продолжение погледнете што прават луѓето од различни земји низ светот на родендените:

Виетнам

Во оваа земја, не е вообичаено да се одбележуваат индивидуални прослави. Тие некогаш дури и забораваат на својот роденден, но сите заеднички ја одбележуваат виетнамската нова година и на тој ден, луѓето си додаваат по една година на нивните години.

Ирска

Во Ирска, кога родителите им честитаат роденден на децата, имаат обичај да ги превртат наопаку и благо ги допираат до земја толку пати колку што полнат години – за добра среќа.

Мексико

Детските родендени во Мексико не поминуваат без пињата – играчка направена од хартија во форма на животно или цртан лик, полна со слатки работи. Според традицијата, славеникот треба со затворени очи да ја скрши и да си ја добие наградата, односно слатките кои ќе испаднат од неа.

Австралија

Наместо класична роденденска торта, на детските родендени може најчесто да се забележи омилениот австралиски десерт – лепче исечено на триаголници, намачкано со путер и наросено со шарени трошки.

Јамајка

Во Јамајка има традиција сите да фрлат брашно врз славеникот на неговиот од роденден, независно дали се работи за дете или возрасен.

Бразил

Во Бразил, кога се честита роденден на дете, слично како кај нас, му се тегнат ушите толку пати колку што полни години за да порасне големо.

М. М. | Црнобело