5 алтернативи на женските влошки и тампони кои постојат и се продаваат низ светот

Ако им веруваме на истражувањата, жените во текот на животот користат околу 15,000 влошки. А, со оглед на тоа што се неопходен дел од женското секојдневие, некој сметал дека на жените може да им пружи побезбедна и посигурна заштита за време на „оние денови.“

Низ светот се продаваат повеќе алтернативи на влошките и тампоните, а дел од нив изгледаат и функционираат вака:

Менструални сунѓерчиња

Постојат 2 типа на менструални сунѓерчиња – природни и избелени. Разликата е во тоа што едните се подложни на хемиски процеси кои може да влијаат на pH вредноста на телото.

Може да се носат 6-8 часа и апсорбираат голема количина на течност. Се користат исто како тампони, но потребни се соодветни консултации со гинеколог претходно.

Менструална чашка

Жените кои пробале тврдат дека не е неудобна, бидејќи е направена од силикон, и нема потреба да се менува толку често како другите препарати.

Ги има во различни големини.

Менструален диск

Апсорбира колку 3 тампони и трае околу 12 часа без да има потреба да се промени. Но, се работи за продукт за една употреба.

Долна облека која апсорбира

Се работи за долна облека со вградена влошка која апсорбира течности и се пере како обична долна облека во машина.

Памучни влошки

Се работи за влошки за повеќекратна употреба, а жените кои ги пробале тврдат дека се попријатни од оние за една употреба, бидејќи се од памук.

М. Д. | Црнобело