7 работи со кои правите келнерите да ве „замразат“ веднаш

Гостите ретко имаат разбирање за келнерите во угостителските објекти и мислат дека тие треба да им бидат лични слуги.

Иако можеби на многумина не им изгледа така, сепак оваа работа е тешка, бара многу внимание, трпеливост и напор.

Па токму затоа, на келнерите не им е сеедно кога гостите со нив се однесуваат лошо, несоодветно, не ги почитуваат или се изживуваат.

Со неколку постапки, веднаш може да им создадете одбивност и да ве „замразат“ уште од првата нарачка, a зошто некој да има лош впечаток за вас?

Погледнете со кои работи правите келнерите да не ве сакаат, иако можеби не сте свесни:

1. Не сакате да го ислушате келнерот кога ви ги објаснува специјалитетите на куќата или промоциите.

2. Правите нови нарачки кај различни келнери, наместо да го барате само оној кој првиот пат ве услужил.

3. Оставате премал и нелогичен бакшиш кој е подобро да не го оставите бидејќи го сметаат за омаловажување (треба да биде барем 10-15% од вкупната сума на сметката).

4. Правите премногу промени во нарачката, неодлучни сте и на крај уште незадоволни ако нешто се погреши (што е логично при толку промени).

5. Не ги читате описите на оброците во менито и потоа се жалите за одредена состојка или ја вадите на страна, па мора да се фрли (а всушност е напишана, но вие ги гледате само големите букви).

6. Сакате да добиете сè одеднаш, а имате нарачано салати, предјадење, главно јадење и пијалаци, но логично е дека ќе ви ги носат дел по дел, за да бидат направени тазе, а не изладени.

7. Се задржувате предолго откако сте завршиле со јадењето, па дури и откако сте платиле, а не разбирате дека можеби некој чека да ја ослободите масата за да седне.

М. М. | Црнобело