Дали мрзеливоста може да ви помогне да живеете подолго?

Колку и да се чини неверојатно, постојат и здравствени бенефити од тоа да бидете мрзливи.

Секако, ова не значи дека треба веднаш да се откажете од вежбањето и другите физички активности и да се посветите само на гледање телевизија и излежување. Но, исто така не треба ни да се чувствувате виновни ако испуштите еден или два тренинга, бидејќи и одморањето е здраво како и вежбањето.

Без грижа на совест

Без разлика на која возраст сте, нормално е да ја немате најдено физичката активност која ви се допаѓа и ве исполнува. Наместо да правите нешта што не ги сакате и непотребно да се измачувате, многу поздраво е да не го правите тоа и да се релаксирате.

Ова е теорија и на истражувачки тим од Универзитетот во Канзас, кои истражувале фосилни остатоци од праживотни. Според нивните сознанија, организмите кои требало да вложуваат повеќе енергија за да преживеат умирале побрзо, додека оние кои живеат на пониско ниво на енергија, живееле подолго.

Истото важи и за луѓето - доколку вложуваат многу енергија во нешто што не ги исполнува, тогаш во таа активност нема никакво задоволство.

На пример, доколку ве исполнува јогата и медитацијата, тогаш сигурно не би можеле да најдете задоволство во фитнес или трчање.

За да биде успешно сето ова, треба да најдете здрав баланс помеѓу мрзата и физичката активност. Слушајте ги потребите на телото и немојте да се присилувате себе да правите нешто што не ви се допаѓа или премногу ве уморува.

Е. Д. | Црнобело