Зошто губите интерес за оние кои се заинтересирани за вас?

Ситуација во која сме се нашле скоро сите - нè интересира некој и кога тој ќе почне да возвраќа, нагло го губиме.

Токму во овој феномен лежи и причината дека секогаш повеќе сакаме нешта што ни се недостижни, поради субјективното чувство дека она што ќе нè направи среќни е далеку од нас.

Добрата вест е што не сте сами во ова, бидејќи им се случува на повеќе луѓе отколку што можете да претпоставите.

Всушност, луѓето ги посакуваат оние нешта за кои мислат дека се предобри за нив, било да е тоа „недостижна“ личност, скап предмет или патување кое во моментот не можат да си го дозволат.

Така и во интересот за луѓето. Често љубовта и привлечноста ги мешаме со фасцинацијата од личноста и тоа е причина зошто имаме тенденција да сме незаинтересирани за оние кои се видно заинтересирани за нас.

Возбуда од успех и обесхрабрување од неуспех

Кога нешто сакаме да постигнеме и вложуваме многу во тоа, кај нас се појавува возбуда секогаш кога сме чекор поблиску до целта. Поради тоа, имаме потреба да веруваме дека постои нешто за што вреди повеќе да се бориме, отколку да се задоволиме со она што самото ни се нуди.

Одговорот на ваквиот феномен лежи во биолошката потреба да се најде единка која е доволно силна, но и доволно емоционално зрела, со цел репродукција.

Од каде се појавува недовербата во оние кои „трчаат по вас“?

Многу често, кај поединецот се појавува мислата дека не е доволно вреден да биде сакан и смета дека нешто не е во ред со личноста која е заинтересирана за него.

Со тоа, одговорот на прашањето зошто губиме интерес за оние кои го имаат кон нас, лежи во две причини и тоа: секогаш можете да најдете нешто подобро од тоа што ви се нуди; и несигурноста во тоа колку сме вреди некој да нè сака.

Егото е тешко да биде совладано, но доколку успееме да се избориме со него, како и со несигурноста, сигурно би си отвориле повеќе шанси и би пуштиле во својот живот прекрасни луѓе кои вредат да бидат покрај нас.

Е. Д. | Црнобело