Што им е најтешко на младите луѓе да им објаснат на своите родители?

Генерацискиот јаз секогаш ќе постои меѓу младите и возрасните луѓе, без разлика колку едните се трудат да објаснат, а вторите се трудат да разберат.

Иако голем дел од животните лекции ги научивте со помош на своите родители, понекогаш е тешко и бара многу напор и трпение за да им објасниме како функционира денешниот свет.

Постои долга листа на нешта што младите луѓе се обидуваат да ги објаснат на своите родители, но колку и да се трудат, не наидуваат на разбирање. Понекогаш, дури и доаѓа до конфликти, бидејќи родителот смета дека тие не се трудат доволно да ги појаснат нештата, а младите губат нерви бидејќи не се разбрани.

Понекогаш, сите тие нови поими, особено од светот на технологијата се неразбирливи, а секој обид да се објаснат може да биде дури и смешен.

Еве кои се најчестите збунувачки ситуации:

Објаснувањето дека „news feed“ на Фејсбук е јавен

Нема ништо чудно во тоа вашите мајка и татко да имаат профил на Фејсбук, но проблемот настанува кога мислат дека нивните пријатели им се обраќаат директно нив преку објавите на тајмлајн.

Во овој случај мора да им се објасни принципот на работа на „инбокс“ и на „ѕид“.

Зошто ја фотографирате храната

Зошто ја сликаше чинијата? Кој ќе го види тоа? Што е тоа Инстаграм? Многу прашања, кои ако размислите, навистина е тешко логично да ги одговорите.

И „фриленсот“ е работа

Повозрасните генерации се навикнати на тоа дека реалната работа е од 7 до 15 часот или од 8 до 16 часот и навистина не им е разбирливо како некој може да работи и заработува од дома, а да не оди во канцеларија.

Најлошото од сè е дека дури и откако ќе објасните (и нацртате), повторно не ве разбираат.

Акронимите кои ги користите

Ако имаат социјални мрежи, лесно ќе дојдат до LOL, NSFW, OMG, WTF и ќе ве прашаат што значи тоа. Уште „пострашно“ е ако не знаат англиски, па освен што ќе треба да објасните дека е кратенка, ќе треба и да навлезете во контекстот и причините, нешто за што ни самите не сте размислиле.

Што значат „емоџи“

Еднаш, само еднаш ви се случи да „згрешите“ и да испратите „смајли“ во пораката со вашата мајка, за потоа да добиете низа прашања што тоа значело. Сепак, кога објаснивте, го сфатија лесно, но сега имате нов проблем - ги користат и кај што треба и кај што не треба и најчесто во сосема погрешен контекст.

Како ги дознавате најновите информации

Постојат најразлични агрегатори на вести, но се споделуваат и на социјалните мрежи. Некогаш ги дознавате важните настани пред своите родители и ако им одговорите дека сте прочитале на Твитер, следува долго објаснување што е тоа и за што се користи.

Како некој „го сруши интернетот“

Навистина незгодно. Но, не им забележувајте што не го разбираат модерниот жаргон и што не им е јасно како Ким Кардашијан или некоја друга старлета успеале да го срушат цел интернет.

Е. Д. | Црнобело