Исповеди: „Која е најчудната работа која несвесно ја правам секој ден?“

Од постојано мрдање со ногата до неправилно држење на виљушката, дали и вие имате некоја чудна навика?

Секој ден правиме тон работи кои не сме ни свесни дека ги правиме. Сигурно овие мали, чудни навики кај другите ги забележуваме, но нашите ни доаѓаат сами од себе и не ги ни перципираме.

Дали кај себе сте забележале некое вакво однесување?

Некои луѓе откриваат кои се нивните најчудни секојдневни навики:

„Постојано жалење, на работа ми посочија дека цело време нешто ми пречи. Откако намалив со жалбите и поплаките се чувствувам многу подобро.“

„Некој еднаш ми кажа дека одам чудно, дека некако неправилно ги движам рацете притоа и оттогаш не можам да одам нормално затоа што се сеќавам дека ми кажаа дека одам чудно.“

„Секој пат кога земам чиста чаша од шкафот ја мирисам пред да ја користам. Не го забележував тоа, сè додека мајка ми не ми кажа за оваа бизарна навика. Како мириса чиста чаша? Навистина не знам.“

„Постојано ја допирам косата, секогаш и секаде. Не бев свесна сè додека момчето и пријателите не ми посочија на тоа.“

„Цело време тресам со ногата. Не буквално тресење, ама мрдање. Не можам да престанам.“

„Гласно изразувам задоволство по првата голтка утринско кафе секој ден со едно долго „Мммм“. Моето дете ми посочи на тоа.“

„Сечам со истата рака со која ја држам виљушката, па постојано ја префрлам виљушката од една во друга рака за да јадам и сечам наизменично.“

„Гласен сум кога сум возбуден и тоа го сфаќам дури кога моите пријатели ќе ме прашаат - зошто викаш?“

„Трчам низ домот... Ќе се сетам дека ми треба нешто од другата соба и, иако не ми е толку итно, не знам зошто трчам натаму.“

С. С. | Црнобело