Албуми со самолепливи сликички кои секогаш ќе ги помнам

Како да беа вчера годините кога траеше треската за собирање на албуми со самолепливи сликички. 

Никогаш нема да ја заборавам возбудата и целата еуфорија која ме следеше во детството, тие моменти кои понекогаш ме оставаа без сон само поради тоа што во себе ја носеа суштината на среќата. Онаа чиста радост што можеше да се опипа во првата деценија од животот на човекот. Не дека сега изворот на задоволството и исполнувањето не постои, но тогаш беше поедноставно да се разбере.

Не знам како другите деца гледаа на собирање на албум со самолепливи сликички, но за мене таа активност претставуваше еквивалент на незаборавна авантура. Самата помисла дека штедиш десет-дваесет денари за да купиш пакетче со пет сликички носеше толкава возбуда што возрасните воопшто не можеа да ја сфатат.

Почетоците секогаш беа лесни, зошто знаеш дека нема да ти се падне дупликат, но како празните полиња се пополнуваа така сé повеќе и повеќе се трупаа исти сликички, кои за да не стојат залудно дома, се купуваше втор албум и одново се започнуваше лепењето. Верувам дека не сум единствениот кој наоѓаа исполнување во собирање на албуми со сликички.

Во продолжение следува листата на оние најомилените:

Digimon

Dragonball

Хари Потер

Автор: Е. Х. | Црнобело