Според ракописот: Каков е вистинскиот карактер на Кејт Мидлтон и Меган Маркл?

Едната ja водат емоциите и има моќна енергија, додека другата се обидува да ги контролира чувствата колку што е можно повеќе, размислувајќи внимателно пред секој направен потег.

Покрај тоа што се врснички, обете ја споделуваат љубовта кон британските престолонаследници - принцовите Вилијам и Хари. Кога се цртите на личноста во прашање, пак, тие не се ни малку слични. Напротив. Многумина се согласни дека Кејт Мидлтон (36) и Меган Маркл (36) имаат сосема различни карактери.

Ваквата теза ја потврдува и анализата на ракописот на двете кралски дами, којшто го одразува нивниот темперамент, односно контролата над емоциите. Па, какви се по природа миленичките на светската јавност?

„Меган Маркл и Кејт Мидлтон не ги изразуваат емоциите на еднаков начин. Кејт има ракопис во кој буквите одат малку надесно, што открива дека таа умешно ги контролира своите емоции.“, објаснува експертот за ракопис Џејми Мејсон Коен. 

Додава и дека Кејт ја пишува малата буква „d", така што вертикалната линија ја надминува висината на другите букви за приближно трипати. Воедно, таа ја нагласува хоризонталната линија кај малото „t".

„Ова покажува дека Кејт внимателно ги бира своите битки. Таа првин добро ја проценува ситуацијата, а подоцна соодветно и реагира. Нејзината емоционална воздржаност е знак за гордост, или, пак, војвотката длабоко се грижи околу тоа како ќе се претстави себеси. Води сметка за репутацијата и улогата што ја има во кралското семејство.“, истакнува графологот. 

За разлика од неа, Меган Маркл е преполна со моќна енергија.

„Силниот притисок на нејзиниот ракопис, како и фактот што ја става хоризонталната линија на малата буква „t" само на десната страна, укажуваат дека таа има склоност да се води според емоциите. Исто така, земајќи го предвид големиот и раскошен потпис на Меган, свршеницата на Хари веројатно ужива што е во центарот на вниманието.“, заклучува Џејми.

Меган или Кејт – која дама е поблиска до вашиот сензибилитет? 

М. А. | Црнобело