Спиење со телефонот под перница: Секојдневни навики кои може да бидат штетни и опасни
Многупати сме зборувале за тоа дека сите имаме секојдневни навики и рутини, со кои всушност на некој начин, несвесно си наштетуваме.
Па токму поради тоа, никогаш не е доволно од потсетувања на овие навики со цел што порано да се откажеме од нив и да се заштитиме.
Доколку сте подготвени на тој чекор, погледнете кои навики се докажале како штетни и погрешни.
Ако се пронајдете во некоја од нив, не се двоумете и полека почнете да се откажувате од неа:
Кревање на нозете во автомобил и потпирање
Многу совозачи сакаат да седат со кренати нозе, но ова е опасно не само при случај н несреќа, туку и заради вообичаеното искривување што на долгорочен план може да предизвика скршеници и повреди.
Закачување на мокри пешкири на закачалка и затворање завеса во бањата
Многу често пешкирите после бањање ги закачуваме во бањата на закачалка, но ова е многу нехигиенска навика. Во влажна околина, бактериите се размножуваат многу полесно.
А, кога станува збор за завесата, исто така собира влага и може да предизвика мувла, па затоа после бањање треба да ја извадите и да ја исушите.
Пиење кафе на празен стомак
Многумина го почнуваат денот прво со шолја кафе на празен стомак, но покрај предностите на овој пијалак, кафето има и свои недостатоци.
Една од нив е тоа што ако се пие на празен стомак, може да предизвика болки во желудникот и неправилно варење, како и други проблеми кои со тек на време може многу да му наштетат на желудникот и стомакот.
Затоа кафето пијте го после обилен појадок или во средината на денот доколку е возможно.
Оставање на шише во вода во автомобилот
Ова е веројатно едно од најчудните објаснувања за штетноста на секојдневните навики.
Изгледајте го видеото и погледнете како пластично шише со вода во топол ден може да предизвика оган во автомобилот.
Did you know that on a hot day, a see through water bottle in your car has the potential to start a fire? Neither did Stations Battery Technician Dioni Amuchastegui.
Posted by Idaho Power on Thursday, July 13, 2017Не сликајте сè со телефон
Во 21 век овој совет звучи многу чудно, но според истражувањата, па и ако логично размислите, ќе сфатите дека со тоа што се обидувате да сликате сè наоколу, пропуштате многу важни детали.
Во тој момент сте фокусирани на фотографијата и како резултат на тоа ќе имате слика како спомен но нема да го помните вистинскиот момент и доживувањето.
Ставање на телефон под перница додека се полни
Иако со развојот на технологијата, телефоните се подобруваат, сепак постојат смартфони кои имаат батерија која се загрева премногу за време на полнењето, а како резултат на тоа може да се предизвика инцидент.
Иако звучи лудо, и тоа може да биде вистинска реткост, сепак, добро е да се грижите за вашата безбедност и да избегнувате непотребни несреќи.
М. М. | Црнобело
Би можело да ве интересира:
