Зошто 2-ри јануари е денот кога треба да правите бебе?

По напорните прослави време е за излежување во креветот и милување со партнерот.

Според едно неодамнешно истражување, паровите што ќе водат љубов вечерва во 22 часот и 36 минути, имаат најголема шанса за да зачнат бебе.

Истражувањето е спроведено во Велика Британија, каде најчест ден на раѓање бебиња е 26-ти септември, кој е 38 седмици по 2-ри јануари, колку што трае просечната бременост.

Експертите за плодност тврдат дека се работи за комбинација од желбата за „септемвриско“ бебе кое ќе биде на совршена возраст за започнување на училишната година, плус практиката на водење љубов на овој ден како начин да се излечи мамурлакот од новогодишните прослави.

Се разбира, оплодувањето не е така лесно и не знаеме дали и во Македонија статистиката е иста, па не значи дека ако вечерва имате секс, навистина ќе се случи.

Но, кога истражувањата велат дека шансата е поголема, зошто да не се обидете, зарем не?

С. С. | Црнобело