Таксистите треба да се обучени

Да се биде таксист во Лондон, не е едноставно. Постои макотрпна обука која секој кој сака да стане возач на такси во главниот град на Британија...

 

...мора да ја помине. Таму таксистите ги знаат сите улици, улички,  ќошиња, кафулиња, ресторани – наизуст.

Нема да сретнете таксист кој 2 пати ќе ве праша каде треба да ве однесе и на крај ќе ве остави на погрешно место, ќе ве изврти непотребно низ  15 други улички само за да му одброи повеќе такси метарот.

Последно нешто од кое се пожалиле муштериите е дека лондонските таксисти со обуката, ќе добијат и упатство да научат во кои ситуации треба да замолчат.

Во истиот прирачник ќе добијат и објаснување на правилата за однесување со патниците. Сето ова е со цел, патниците да не се чувствуваат непријатно.

Ваква обука и тоа како е потреба за нашите таксисти кои не прашуваат пред да запалат цигара, се обидуваат да ви прават муабети за политичката состојба во државата, застануваат на пешачки и кога нема пешаци, си земаат за право да прашуваат и што треба и што не треба – за на крајот кога ќе се симнете од такси да се сетите дека никогаш повеќе нема да ја повикате оваа компанија.

Отворено споделете ваши искуства со такси компаниите, можеби ќе успееме колку толку да ја разбудиме свеста кај нашите таксисти.