Првото розово чоколадо со вкус на вино

Познатата американска чоколадна компанија „Compartés“ создаде неверојатна розово пастелна чоколада за која ветува дека е онолку добра, колку што е „фотогенична“ и на Инстаграм.

„Roses and Rosé“ е слатко задоволство кое доаѓа со прилично солидна цена од $9.95 долари, но совршената мешавина на бела чоколада и кристално Розе вино се премногу примамливи за да се мисли на штедење.

Оценета како најжешката летна чоколадна атракција, ова розово чоколадо во форма на мали триаголници е дефинитивно двојна закана, за паричникот и за фигурата.

„Compartés“ се грижи за слатките задоволства на многу познати ѕвезди како Опра Винфри, Кејт Бланшет, Никол Кидман, Анџелина Џоли и Бред Пит... списокот на ѕвезди кои се обожаватели на нивните рачно изработени чоколади е предолг. Веројатно со многу добра причина.

(О)Милена | Црнобело