Зошто вреди да станете оптимист?
Следен пат кога ќе се изнервирате, имајте го ова на ум. Дали оптимизмот може да се научи?
Тоа е прашањето на кое ќе ви одговориме.
Најпрво, кои се бенефициите на оптимистите?
- Полесно се решаваат проблемите и задачите
- Тие се омилени во друштвото
- Лесно склопуваат нови пријателства
- Негативните ситуации ги сметаат како предизвици
- Попозитивно го доживуваат и животот и луѓето во него
Звучи премногу добро за да биде вистинито, нели? Па, кој не би сакал да биде оптимист кога оптимизмот носи успех, задоволство и среќа во секој аспект на животот. С
епак, мора да ве предупредиме дека не може да бидете оптимисти 365 дена во годината и сосема е во ред, понекогаш да заземете песимистичко гледиште.
Како да го извежбате оптимизмот?
Точката на поаѓање е РЕАЛНОСТА. Што и да ви се случува и колку изгледа застрашувачки, застанете на момент и одговорете на следниве прашања:
- Дали оваа ситуација има „смртен“ исход за мене? Дали мојот живот ќе продолжи без разлика на ситуацијата во која се наоѓам?
- Дали навистина (реално) е толку застрашувачка или само јас така ја доживувам (мислам дека е така)?
- Дали оваа моментална ситуација би била подеднакво застрашувачка и за *наведете име од пријател или член на семејството*? Како тој/таа би се носел/а со ова што моментално се случува?
- Дали постои решение за дотичната ситуација?
- Дали можам сам/а да ја решам или ми е потребна помош?
- Дали оваа ситуација е очекувана?
С. С. | Црнобело