Човечки греачи во кревет?

Не се работи за никаква шега, навистина - ланецот на хотели Holiday Inn се одлучи на оваа необична метода како одморот на своите гости би бил...

 

... уште попријатен.

Подвижните "греачи за во кревет" ќе бидат поставени во посебни оделенија близу вашата хотелска соба со цел да ја загреат вашата постела за вие да можете мирно и сигурно да запловите во светот на бајките.

Др. Крис Идџиковски, специјалист за проблеми поврзани со спиење, смета дека оваа идеја  може навистина да им помогне на луѓето побрзо да заспијат.

"Постојат многу докази кои укажуваат на тоа дека сонот почнува во почетокот на ноќта, кога температурата на телата опаѓа. Тоа делумно се случува затоа што крвните садови на рацете, лицето и стапалата отпуштаат топлина. Топол кревет, чија температура  се движи меѓу 20 и 24 степени Целзиусови, е добар начин да се започне овој процес, додека ладен кревет може да го наруши."

Претседателката на хотелот објаснува дека чувството на  вака загреан кревет е како да имате голема боца врела вода во постела.

Бесплатно, петминутно греење на кревет за сега е достапно само во Лондон и Манчестер.