Црква стара 400 години исплива од езеро во Мексико (фото)

Неодамна остатоците од црква стара 400 години повторно испливаа од водите на резервоар во јужната мексиканска држава Чијапас. Сушата во регионот предизвикала спуштање на нивото на водата до 25 метри, со што црквата повторна се појавува после многу години.

Црквата е поврзана со свештеникот Бартоломеј де лас Касас, првиот бискуп на Чијапас. Се верува дека пристигнал во Мексико 1540-тите години со група свештеници, кои ја изградиле црквата.

Според истражувањата спроведени од страна на историчарите црквата била изградена од шпанските освојувачи. Магичната градба која можеме да ја видиме е висока 9 метри, долга околу 55 метри а широка околу 13 метри.   

Остатоците од црквата биле потопени кога владата во 1966-та година решила на тоа место да го изгради резервоарот „Nezahualcoyotl“. По градењето на браната црквата испливала од водите само двапати.

Во 2002-ра година нивото на водата се спуштило толку многу што посетителите имале можност да ја разгледуваат црквата од самата нејзина внатрешност.

М. С. | Црнобело