Каде одат некупените новогодишни елки?

Сте се запрашале ли некогаш што се случува со новогодишните елки кои остануваат без никој да ги купи во големиот број продавници ширум светот?

Властите на Берлин веќе години наназад го решаваат овој проблем со тоа што преостанатите елки им ги носат на слоновите во берлинската зоолошка „Tierpark“.

Елките не само што имаат голема хранлива вредност за овие огромни цицачи, туку исто така помагаат и во чистењето на нивните заби.

Според изјавата на еден од чуварите во зоолошката, Марио Хамершмит, станува збор за дрвја кои се одгледувани без пестициди со што на ниту еден начин не се става под знак прашалник здравјето на слоновите.

„Овие дрвја се одличен додаток во зимската исхрана на слоновите“ – додава тој, „тие содржат слатка смола која е богата со витамини и хранливи материи, а нивните иглички не претставуваат никаков проблем за големите усти на овие животни.“

М. С. | Црнобело