Спонзорирано од:
Спонзорирано од ОгласиЗаРабота.мк


За мојата постара пријателка

Да, со таа пријателка разговорот ми тече како вода. Таа има години колку мојата мајка, а не ми е мајка. Таа има искуство и поминала многу и не се срами да го каже секој детаљ од нејзиниот живот.

za-mojata-postara-prijatelka-01.jpg

Зачудувачки и јас ѝ се доверувам, бидејќи знам дека нема да добијам банален средношколски совет, туку нешто што е поткрепено со долгогодишно искуство.

Таа ме разбира совршено за сè што ќе ѝ кажам, бидејќи го има поминато сето тоа што јас го поминувам сега. Секој мој проблем гледан од аспект 20 години подоцна е многу помал.

И учам, постојано учам. Таа има поминато неколку професии, дел успешни, дел неуспешни, имала и успешни и неуспешни врски. Видела многу - големи и мали, слободни и заробени, богати и ситни души. И секоја средба со таквите ѝ дала поука која таа денес ми ја пренесува.

za-mojata-postara-prijatelka-2.jpg

А, јас не се бунам, само примам од искуството и го градам своето за еден ден да биде пренесено.

Таа ми го кажува сè она што ми го кажува мојата мајка, но и нешта кои мајка ми ги крие од мене за да ме заштити, затоа што е мајка и не сака да ме пушти во оган.

А, оваа пак немилосрдно ме пушта да се изгорам, за да почувствувам, за да откријам, да видам како боли, па да ми ја преврзе раната со убав збор, а не со прекор.

Разговорот со неа секогаш ме опушта, за разлика од разговорите со моите врснички. Нивните разговори понекогаш се здодевни, затоа што се исти со моите, сме се нашле во исто небрано, па бараме излез, ама не секогаш го наоѓаме.

И многу ќе помислат една е мајката. Да, се согласувам, но понекогаш е добро да се има една поинаква личност во животот која има одговор за сè.

Поздрав до мојата постара пријателка!

Имате ли вие по една таква личност во својот живот?

Н. Т. | Црнобело

Би можело да ве интересира:

Најзначајните и најубавите скулптури од минатото кои треба да ги знаете од општа култура Покрај мистичната сфинга во Гиза и статуата на Венера, односно Афродита, во Лувр...
Никола Тесла, принцот Вилијам - Денес е ден на левучарите + зошто се овие луѓе посебни Официјалните податоци покажуваат дека меѓу 10 и 12% од светското население се ле...
Магијата на женското пријателство: Илустрации кои ќе ги разберат само најдобрите пријателки Од детска игра, до заеднички подготовки за излегување во младоста, преспивања ед...
Екстравагантна свадба во Швајцарија е како ледена бајка: Невестата „смрзната“ во коцка мраз, ангел л... Невеста „замрзната“ во коцка мраз, маж преправен во ангел кој „лета“ над младенц...
7 вежби со кои ќе ги намалите брчките на лицето и ќе изгледате помладо Зајакнете ги мускулите на лицето со кревање лажица: Меѓу усните ставете лаж...
5 знаци дека самите сте виновни што сте несреќни во животот Дали ја запоставувате грижата за себе? А, дали имате навика опсесивно да „скрола...

Најчитани неделава

sonovnik-sidebar.jpg