Како да направите фотографии како професионалец?

Дигиталната фотографија може да биде застрашувачка кога сте почетник со сите збунувачки контроли, опции за персонализација и сл. Постојат многу трикови кои можете да ги научите, а нивната примена во пракса и самостојното истражување ќе ви донесат најдобри резултати.

Изберете локација

Секогаш е добро да се избегнат локации кои се пренатрупани. Доколку сликате  на овие локации ќе имате проблем со фокусот кој нема да биде на лицето, туку на објектите околу него.

Истото важи и за фотографирање во затворен простор. Најдобри се едноставните позадини во кои доминираат исти или слични тонови.

Фокусирајте внимателно и проверете го фокусот пред да сликате, бидејќи сликите можат да испаднат матни и нејасни.

Осветлување

Доколку објектот што го сликате е во сенка, осветлете го. За ова ви треба парче бела хартија.

Парчето хартија поставете го така што сончевата светлина (или било кој друг извор на светлина) ќе се рефлектира на личноста која ја фотографирате.

Но, ни премногу светло не е добро. Затоа, ако е многу светло и сончево надвор, сликајте ги вашите објекти под сенки на дрвја или згради.

Професионалните фотографи велат дека најдобро време за сликање е попладне. Тогаш позицијата на сонцето е најдобра за правење на одлични фотографии.

Композиција

Каде да ја лоцирате личноста што ја сликате? Во средина на фотографијата или малку на лево или на десно? На вас е да одлучите.

Луѓето изгледаат најдобро доколку во кадарот се фатени само главата и делот од рамената. Нема ништо лошо во тоа ако објектот што го сликате е на средината на кадарот.

Сепак, обидете се понекогаш да го поставите на една страна, лево или десно, со тоа ќе добиете динамична композиција.

Кога ги сликате луѓето натерајте ги да се вклучат во некоја активност. Спонтаниот изглед е секогаш подобар од очигледно наместениот кадар, бидејќи е природен.

Држете го апаратот мирен или користете стативи. Мирното држење на апаратот е основа за остри и чисти слики.

Не се откажувајте

Никогаш не треба да се откажете. Секако дека првите неколку месеци нема да вадите одлични фотографии, но со текот на времето, со вежбање и искуство ќе забележите подобрување.

Автор: М.A. | Црнобело