За мирен живот: 4 начини да си бидете најдобар пријател

Низ животот често се случува да заборавиме на себе, тешејќи ги другите забораваме да се запрашаме што е со нашите чувства?

Дали сметате дека на многу луѓе сте им најдобри пријатели, но не и на себе? Време е да почнете да водите мирен живот и да си бидете најголема поддршка себеси:

1. Кажете си убави работи

Најдобрата пријателка ви даде комплимент за новата фризура? Можеби истото треба и вие да си го направите. Одвојте малку време за себе и зборувајте си со љубезност и грижливост.

2. Почестете се

Без разлика дали е храна, облека, козметика, сепак направете го тоа. Заслужувате барем еднаш неделно да се почестите со каква било ситница што ќе ви нацрта насмевка на лицето.

3. Работите кои ви го одземаат вниманието

Направете листа со сите работи кои треба да ги направите, но и со оние кои веќе подолго време ги одложувате. Секоја недела направете по една од сите тие работи.

4. Елиминирајте ги лошите навики

Секојпат кога ќе посакате да го надминете лимитот на кредитната картичка, да го избегнете вежбањето, стиснете заби и запрете се. Бидете си најдобар пријател и дајте си поддршка во сите моменти когга таа ви е најпотребна.