Моја финансиска стратегија: Најди нов маж!

Една Русинка има посебна тактика за да си обезбеди финансиска сигурност. Таа тактика е: Најди си нов маж!

Екатерина бара од својот, наскоро бивш сопруг, познатиот британски адвокат, Ричард Филдс, надомест од 6 милиони фунти.

- Свесна сум дека сум многу добра сопруга и се надевам дека наскоро ќе најдам нов маж.

Оваа самоуверена Русинка верува дека од разводот ќе добие најмалку 2,6 милиони фунти, како и годишна исплата од 75.000 фунти.

Оваа 42-годишна убавица пред судот изјавила дека не се омажила со Филдс заради парите бидејќи на почетокот на врската мислела дека е шофер.

Кога адвокатот на нејзиниот 59-годишен сопруг ја прашал за нејзината кариера и со што таа се занимавала пред да го запознае г-н Филдс, Екатерина одговорила дека знае неколку странски јазици, како и дека работела како преведувачка, лична асистентка и агент за недвижности.

Адвокатот ја прашал: Имате ли намера повторно да се вработите? – Имам намера да најдам нов сопруг – одговорила Екатерина.

Таа има и две деца со кои веќе нашла луксузен стан во Кенсингтон, кој бара да ѝ го купи нејзиниот поранешен сопруг.

Постојано има неразумни барања и високи цени кои ги бара да ги плати тој, а со оглед на тоа што ова не ѝ е првпат, и претходно успеала да го добие тоа што го сака, нејзината стратегија ја продолжува и понатаму.

Овој пат, според неа, планира да стигне до самиот врв. Смета дека за финансиска сигурност не ѝ е потребна нова работа, туку нов сопруг.