Француска порака во шише

Мистериозно љубовно писмо, кое најверојатно го напишала французинка на својот оженет љубовник, стигна во шише до британското крајбежје...

 

... предизвикувајќи силен спектакл по локалните медиуми.

Овој викенд беа најдени 3 испишани страни, полни со страсти и љубов како и прамен коса, романтично спакувани во шише, а пронајдени на една плажа во јужна Англија.

Пораката на авторката со скршено срце е објавена на сите британските радио станици и на интернет. Шише од "heineken" пиво затворено одозгора, го пронашол Мартин Лесли, припадник на крајбрежната стража, додека шетал со своето семејство.

Го отворил шишето и ја прочитал пораката, но се збунил кога открил дека во писмото покрај љубовта се споменува и смртта, па веднаш ги контактирал француските власти.

"Помислив дека може да се работи за самоубиство", изјавил Мартин. Меѓутоа, француските власти дошле до заклучок дека љубовното писмо било упатено на оженет маж на кого авторката не смеела да му ги открие своите чувства, поради што се долучила својата порака да ја стави во шише и да ја фрли во морето.

Мартин Лесли смета дека шишето е фрлено во морето од северниот дел на Франција. Како што пренесуваат британските медиуми, писмото носи датум од 25-ти септември, но останува да се види дали се работи за реална љубовна приказна или за шега.