Жени ги донираат своите венчаници за малите новороденчиња чиј прв ден е и последен

Една организацијата на жени, медицински сестри, заедно со многу волонтери ги донираат своите венчаници за малите новороденчиња кои за жал не успеваат да преживеат по раѓањето.

Тоа е еден многу тажен и чувствителен момент во кој тие сакаат да им дадат поддршка на родителите.

Медицинските сестри работат во група со волонтери кои од една донирана венчаница прават десетина специјални дизајни за малите ангелчиња и ги изненадуваат родителите.

Многу често од болниците, ваквите бебиња се предаваат повиени само во крпи или пелени, па родителите ги добиваат како замотани перничиња.

На овој начин, медицинските сестри во болниците покажуваат дека се грижат за секое новороденче и дека секое заслужува да биде возвишено на посебен начин.

Родителите, пак, покрај целата мака и тага добиваат еден посебен момент и чувство дека така свечено и убаво облечено, нивното малечко го испраќаат на некое специјално место.

• 
• 
• 
• 
• 
• 
• 
• 
• 
•