Кога “случајно“ ќе се запиете...

Се сретнавте со пријателите, седнавте на една пијачка после работа, останавте без да забележите до 20:00 часот, па решивте да навратите и до кафуле...

 

...“на кратко“ и на крај го затворивте во 01:00.

Не сте се виделе одамна, па нормално дека се размуабетивте со пријателите за стари случки, дечковци, девојки и ја задоволивте својата потреба за оговарење.

Стигнавте дома одвај (со доволно количество алкохол во себе!) и што е следно? Алармот во 07:30 кој ве буди за да станете за на работа! Сигурно ви се лоши од самата помисла - што ве чека.

А, да се биде мамурен во канцеларија е ужасно чувство. Сигурно веќе сте испиле неколку чаши јогурт, лимони, минерална вода, кафетини и што уште не. Џабе! На работа сте, а сеуште сте пијани.

Еве неколку совети како да се потрудите да останете “собрани“ и да се отрезните за да можете да функционирате.

1. Ослободете се од црвенилото во очите!
Како што велат - очите се прозорец на црниот дроб. Овие два органи изгледаат ужасно во мамурно утро. Набавете капки за очи и во текот на денот неколку пати капнете по 2-3 капки. Или евентуално ако не ви помогне - изговорот дека имате алергија секогаш пали.

2. Прашајте го најблискиот колега дали сеуште мирисате на водка, коњак или што и да сте пиеле.
Голема е веројатноста да ви потврди, затоа што до пред 4 часа сеуште сте држеле чашка во рака. Мастиката е бескорисна во овој случај. Изедете неколку зрна кафе и јадете кикиритки за доручек. Немојте да претерувате со парфемот.

3. Избегнувајте ги важните луѓе.
Избегнувајте средба со некој кој може да ви даде отказ. Подалеку од кујната и собата за пауза. И внимавајте што зборувате. Може лесно да ви се испушти нешто што не треба.

4. Лажете!
Можеби мислите дека е кул сите да знаат како сте лумпувале цела ноќ и сепак сте стигнале на работа - но, не би ви советувале да ширите за вашите ноќни авантури низ фирмата. Ако некој ве праша “Напорна ноќ колега/шке, а?“, слободно кажете дека сте работеле или сте имале стомачни проблеми. Понекогаш е навистина попаметно да излажете.