Непотребно изгубена 1 година

Едно социолошко истражување покажа дека една просечна жена поминува година дена само избирајќи што да облече. Секоја жена мора да признае...

 

... дека барем еднаш застанала замислена пред својот преполн ормар и се жалела дека нема што да облече.

Било да се работи за облека за на работа, излегување, вечера, спортска активност или одмор, жените во просек трошат 287 дена од својот живот пред ормарот, наведено е во истата студија.

Сепак и меѓу овие пригоди, постојат оние каде размислуваме малку повеќе. Поголем дел од времето нам ни одзема планирање на вечерното излегување и плановите за годишен одмор.

Истражувањето покажало дела жените трошат 16 минути дневно размислувајќи што да облечат за на работа, а 14 минути за избор на комбинација за преку викенд.

Мораме да се сложиме дека ова понекогаш трае повеќе од 16 минути, посебно ако сфатиме дека првата одлука по облекувањето на избраната комбинација е потполно промашување.

Подготвувањето на торбите пред заминување на годишен одмор за многумина од нас е тешка задача, посебно затоа што во просек на него трошиме 52 минути, нормално кога мора да се испланиран однапред формулата чевли + панталони + туника + чанта + колан + накит...

Посебен стрес е кога пред нас стои учество на една свечена прилика како што е дочекувањето на Новата година или Божиќ, за кои пред ормарот во просек поминуваме 36 минути.