Со голотија до сигурна работа

Главната цел на оваа акција е да се покаже дека работниците се спремни на се', само за да го зачуваат своето работно место. Работниците...

 

... на фабриката "Šafoto e Mori" во Бретања, северозападна Франција, одлучија да позираат голи за календар за да ги спасат своите 207 работни места од укинување.

Со парите кои ќе ги заработат од "секси" календарот, работниците од оваа фабрика за производство на котлови и бојлери која постои повеќе од 100 години, имаат намера да отпатуваат за Италија и да протестираат пред централното седиште - пред компанијата Аристон.

Главната цел на оваа француска акција, инспирирана од календарот на француските играчи на рагби, е да покаже и докаже дека работниците се спремни на се' за да ги зачуваат своите работни места.

Вработените кои штрајкуваат веќе неколку недели и ја држат фабриката под блокада, бараат за секој отпуштен работник, од кои има многумина кои имаат повеќе од 30 години стаж, да им исплати отпремнина од 100.000 евра.

Календарот со фотографиите од голите работници кои се фотографирале само со своите алати, ќе се најде во продажба кон крајот на овој месец.