А одмор во пустина?

И најизолираните делови на планетата познати како пустини имаат свои “храмови“ чиј луксуз може да се мери и со најскапоцените и најубавите хотели низ светот.

Но, разликата е во тоа што тука можете да уживате во тишината.

Луксузот кој го нудат пустините е луксуз на недопрено пространство, контемплативност и без ограничување на просторот и времето.

Уживањето во одморот меѓу дините и песочните пространства, денес веќе не е наменет само за самците и авантуристите кои се во потрага по медитација и себеоткривање.

Многу туристички агенции нудат разни тури во најпознатите пустини на светот со локални водичи со цел да го почувствувате и доживеете изворниот дух на пустината.

Најлуксузни места каде можете да отидете се во околината на Дубаи - Al-Maha Emirates и Bab Al Shams Desert Resort & Spa позната како врата на сонцето.

Либиската Сахара, по многумина позната како најубава пустина на светот, ги крие своите адути во резиденцијата Akakus и Ubari Magic, а спиењето на отворено небо сигурно ќе биде незаборавно искуство.

Во внатрешноста на Египет се крие оазата Dakhle, а во Јордан најмистичниот и најнедопрениот дел на земјината топка - Wadi Rum te Bait Ali Desert Camp.