Што е она што секојдневно нè нервира?

Едно истражување на фирмата Wolverine открива кои се работите кои секојдневно се повторуваат и секојдневно нè нервираат.

Убедливо, на првото место се луѓето кои се туркаат преку ред.

Меѓу топ 50 работи кои нè нервираат скоро секој ден се и нечесното злоупотребување на овластувањата, сообраќајниот метеж и цените на бензините.

Постојат уште неколку, како плукање на улица, непристојни луѓе, чекање на телефон.

Повеќето луѓе ги нервираат и провизиите за вадење пари и лошите возачи.

Во низата на секојдневни работи кои ги нервираат луѓето се и луѓето кои на слободното место во автобусот си ги ставаат своите торби, мрзеливост, доцнење, луѓе кои прекумерно пушат и оние кои неправилно ја користат граматиката, особено во писменото изразување.

Она што може да се забележи кај нас, покрај горенаведените работи, она за што се нервираат секојдневно луѓето се и: чекањето во ред, секојдневните политики, премногу реклами за време на филмовите, доцнење на платите, турканици во јавниот превоз, непрофесионална организираност на настаните, високите цени во такси превозот, турбофолк музика во градскиот превоз, нехигиената низ градот, претекнување на автомобилите, семафори кои не работат, недостаток на места за паркирање и уште многу други.

А што вам ве нервира секојдневно? Можеме ли да ја прошириме листата?