Клупа која се претвора во спална за бездомници

„RainCity.org“ е организација која се грижи за бездомниците, луѓето кои се оставени на милост и немилост, кои бараат свој покрив над главата.

Оваа организација која се грижи за сите бездомници смислила интересно решение кога уличните клупи со мала преобразба ги направилa соодветни за да се користат за различни потреби, особено за време на врнежливите студени денови кога се претвораат во делумни соби со покрив кој ги заштитува од дождот.

Плакати на кои се испишани натписи со пораки: „Ова е клупа“, „Ова е спална – дом кој можете да го наречете така, ако така се чувствувате“; „Најдете го својот покрив овде“ и слично, се монтирани на самите клупи и се навистина практични и корисни решенија за сите бездомници.

Идеја која вреди да биде споделена и развиена низ целиот свет.