Природен феномен: Пеперутките ги пијат солзите на желките

За да ја земат потребната доза на содиум , пеперутките во амазонската дождовна шума се насочуваат кон плачењето на желките. Научникот Фил Торес докажува дека додека желките имаат изобилство од сол од нивната месна исхрана, на пеперутките им треба повеќе време за да го најдат потребниот минерал, особено во амазонските дождовни шуми, каде и воопшто има многу малку сол.

Нивното решение лежи во заоблените агли на очите на желките. Торес сака да проучува уште повеќе, следејќи ги, за да открие дали има уште некој минерал по којшто трагаат инсектите.

„Најверојатно, тие користат уште многу други материи од овие извори, во очите на желките, за коишто ние не знаеме.“, изјавил Торес за Live Science, „Прво треба да се започне со чистење на очното јаболко на желката, па да видиме што ќе добиеме.“

Според  Live Science, солзите на желката не се единствениот извор на толку многу сол за пеперутките.

„Инсектите, исто така, ја земаат потребната сол и од урината на животните, од матните води во реките, вирчињата, испотената облека и потта на луѓето“, изјавил Геоф Галис, дипломиран студент по ентомологија  на Музејот за историја на природата во Флорида, кој има набљудувано рој пеперутки кои ги користат солзите на желките, особено во западната шума на Амазон.

Ова е видеото кое ќе ви го разубави денот и ќе ве натера да верувате во чудесната природа: