Зошто кришката леб секогаш паѓа на намачканата страна?

Конечно одговор на прашањето кое одамна многумина ги мачи во секојдневието, па и научниците. Сега конечно има некакво научно објаснување за овој феномен. Вие можеби тврдите дека едноставно сте малер, но тие тврдат дека штом кришката ќе “полета”, падот зависи од висината на масата.

Наводно, намачканото лепче има можност да се изврти на обратната страна заради тоа што висината на една просечна маса и го дозволува тоа.

За да ја потврдат оваа теорија, изведен е експеримент. Од 100 фрлени намачкани лепчиња, 81 од лепчињата паднале на намачканата страна. Масата од која ги пуштале била висока 76,2 сантиметри.

Ако сакате кришката да не ви падне на намачканата страна, тогаш треба да имате маса висока барем 243,8 сантиметри, за кришката да може да изротира цели 360 степени. А затоа што веројатноста е мала дека ќе најдете таква маса, следниот пат обидете се да не го испуштите намачканото лепче.