Сигет низ слики: Една недела забава, возбуда и музика во Будимпешта

Само што ќе го поминеш мостот на влезот на островот Обудаи во Будимпешта каде што изминатата недела се одржуваше фестивалот „Сигет“ добиваш чувство како да влегуваш во мала држава на забавата. Посебна држава на Дунав во која неколку дена живеат илијадници луѓе од цел свет, распослани низ островот по шатори, седнати по тревници, слободни, пијат, играат и ги слушаат своите омилени бендови.

Годинава имаше и што да се чуе. Од обемната музичка програма која вклучи музичари од повеќе од 50 земји од светот имаше и светски познати имиња.

Тешко е да се направи селекција, но веќе кога мора неизбежно е да се спомне настапот на Ник Кејв во првиот ден од фестивалот. Емотивно, лирично а во исто време и драматично Кејв се отвори пред своите фанови изведувајќи песни од најновиот албум но и постари хитови. И тие, неговите обожаватели, му вратија со иста топлина. Најупорните, меѓу кои и наши, Македонци, се пробија во првите редови.

Незаборавен беше и настапот на „Блур“, потоа „Франц Фрединанд“, „Едиторс“, „Емпајр оф д сан“, Дејвит Гета, Нина Кравиц, Вудкид, „Бед Релиџн“ и многу други.

И Македонија имаше свој претставник, тоа беше бендот „Шутка рома рап“, за кој имаше голем интерес и кој одлично се претстави пред публиката.

Концерите сами по себе не зборуваат доволно за „Сигет“. „Сигет“ е многу повеќе од тоа. На Обудаи има забавни содржини, циркус, панорама, уметнички преформанси, акробации, места каде што може да се најде различна храна, па и плажа на Дунав.

Од над 360 илијади посетители на островот имаше и педесеттина Македонци. И тие, како и сите други се измешаа во реката од луѓе станувајќи едно со сите, едно со светот.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Подготвил: Кате Антевска

фото: Дејан Давитков