Подгответе: Солен сладолед во корнет

Сигурно солениот сладолед како рецепт е нешто што до сега никој го нема пробано, но зошто да не ги изненадите оние кои сакаат да експериментираат со вкусовите?

Станува збор за солен оброк со состојки за пица, само во облик на сладолед во корнет.

Потребни состојки: (за 4 парчиња)

• Тесто за пица кое ќе го подготвите самите
• 100g рендан кашкавал
• 100g ситно сецкана салама (по желба)
• 10тина маслинки, ситно сецкани
• Свежо доматно пире
• Зеленчук по желба

 

Подготовка:

Тестото за пица исечете го на колку парчиња и да сакате, а потоа од секое формирајте круг со дебелина од 2-5 сантиметри, по желба. Свиткајте го тестото околу некој сад со конусоидна форма за да го формирате корнетот и крајчињата залепете ги со помош на вилушка и малку посилно притискање.

Печете додека корнетите не заруменат, но не треба да се потполно готови. Кога тестото ќе биде доволно тврдо за да може да го наполнете, извадете ги корнетите.

Наполнете ги со рендан кашкавал, салама, зеленчукот и маслинките, па потоа вратете ги во рерната. Најдобро е да ги печете во некој повисок калап за да бидат што повеќе исправени.

Кога кашкавалот ќе се растопи и ќе почне да се разлева, корнетите се готови. Извадете од рерна, истурете го доматното пире, посолете или зачинете по желба и поставете ги на држачи за помфрит.