Како да ги спречите пријателите да си играат со телефонот во сред кафуле?

Салве Хоре е бар во Сао Паоло кој за прв пат ја претстави чашата која може да стои исправено единствено ако ја поставите на вашиот телефон. Можеби тоа ќе ве оттргне од електронските пријатели, а за сметка на тоа ќе се посветите на оние вистинските.

Ви се случувало безброј пати да сте излезени во некој интересен локал, на чаша пиво и муабет, а вашиот пријател упорно зјапа во мобилниот телефон? Нарачајте му едно пиво и ослободете се од тој проблем.

- Духот на Салве Хоре барот е да сте опкружени со вистински пријатели, добро јадење и ладно пиво, кажува Флавиул Синира, еден од сопствениците на овој бар.

Офлајн чашата е само уште една покана за сите оние кои сакаат да уживаат по напорниот работен ден, да се исклучат од онлајн светот, да разговараат, да се смеат и да живеат во реалноста барем по неколку часа дневно.