Идеи и инспирации за светла работна соба

Светло уредената канцеларија или работна соба е единствениот мотив за да ги извршите вашите обврски во овие тмурни денови.

Белата боја е одлична кога станува збор за мебелот кој ќе го користите, без оглед дали ќе ја освежите со неколку шарени или пак исклучиво црни детали.

Една од најголемите предности на белата боја е илузијата за големината на просторот кој ја создава. Доколку не располагате со многу голем простор, нема да погрешите ако ѕидовите, подот и мебелот бидат во бела боја.

Друга причина зошто белата работна соба е одличен избор е токму затоа што можете да ја уредите по ваш вкус. Ако сте љубител на модернистичкиот стил, одберете мебел со јасни и чисти линии во бела боја, а детали во силни и впечатливи бои како црвената, розовата или пак сината.

Не заборавајте прозорците да ги оставите откриени, избегнувајте завеси и темни ролетни. Белите полици се исто така добар избор за складирање на документите и сите потребни канцелариски материјали, без визуелно да го намалите просторот.

Погледнете како изгледаат најубавите бели, светли канцеларии кои може да ви послужат како инспирација за опремување на вашата.