Луѓе споделуваат (мрачни) тајни што никогаш нема да им ги откријат на родителите: „Работев како стриптизета“

„Заработувам многу повеќе отколку што им кажувам на родителите за да не можат да ме искористуваат за пари“.

Не постои дете кое не им кажало лага на родителите.

Но, главно ова се мали лаги кои децата, но особено тинејџерите, ги кажуваат за да не бидат искарани или казнети.

Од друга страна, некои луѓе чуваат навистина големи тајни од нивните родители, некогаш за да ги заштитат нив, но некогаш и за да се заштитат себеси.

На Редит, неколку луѓе ги споделуваат мрачните тајни што никогаш нема да им ги кажат на родителите:

„Кога имав 24 години, се венчав со маж од Унгарија за да добие американско државјанство. Ми плати 4.000 долари.

Но, кога требаше да ги поминеме сите процедури за државјанство, се исплашив и се разведов, но не му ги вратив парите“.

„На 16-годишна возраст имав афера со наш сосед кој беше во брак“.

„Знам дека мајка ми имаше афера. Прво слушнав гласини, но потоа и дознав дека навистина има афера. Никогаш нема да му кажам на татко ми бидејќи не сакам да го повредам“.

„Една вечер, додека беше пијан, татко ми ми кажа дека не е сигурен дали моите брат и сестра се негови деца. Тој не се сеќава на разговорот, но никогаш му немам спомнато за тоа“.

„Им плаќам на жени да глумат дека ми се девојки бидејќи ми е преку глава од родителите и нивните пријатели кои пробуваат да ми најдат партнерка“.

„Заработувам многу повеќе отколку што им кажувам на родителите. Постојано очекуваат јас да им давам пари за сè, па ја кријам заработката за да не можат да ме искористуваат“.

„Немав пари откако завршив факултет и не можев да најдам добра работа. Тогаш имав пријателка која работеше во стриптиз клуб, па отидов и јас да поработам една недела. Заработив доволно да си ги отплатам долговите“.

„Скоро секој викенд искрадував од прозорецот на мојата детска соба за да одам на журки“.

„Мајка ми не знае дека двапати ме имаат уапсено – еднаш со татко ми“.

„Првпат имав секс на 16 години. Сега имам 20 години, но моите родители се големи верници и уште мислат дека сум девица“.

Спирова С. | Црнобело