Исповед на еден нарцисоиден маж: „Сакам да бидам сакан, но не ме привлекуваат тие што ме сакаат“

„Јас сум студена, себична личност без срце. Немам сочувство кон другите, се грижам само за тоа што јас сакам. Искрена љубов чувствувам само кон внука ми (11)...“

Познавате ли луѓе кои може да се сместат во категоријата нарцисоидни луѓе?

Тие типично себеси се гледаат грандиозно, немаат емпатија кон другите и очекуваат многу восхит.

Kaрактеристики на нарцисоидна личност:

• Грандиозно чувство на важност.
• Преокупираност со фантазии за неограничен успех, моќ, брилијантност, убавина или совршена љубов.
• Потреба од константно восхитување и комплименти.
• Верување дека таа/тој како личност е посебен/а и уникатен/а и може а ја разберат или да се дружи само со други претставници на овој тип на луѓе.
• Чувство дека секогаш е во право.
• Експлоатирачко однесување кон другите.
• Недостаток на емпатија.
• Демонстрација на арогантност и вообразено однесување или ставови.
• Завист кон другите, како и заблуда дека другите им завидуваат.

На Редит неодамна корисник отворено призна дека е нарцисодина личност и вели дека поради тоа што многу луѓе се чувствуваат истрауматизирано од личностите како него, тој сака да им обезбеди пристап на луѓето во начинот на кој тој, односно општо нарцисоидните луѓе размислуваат.

На прашањето дали е свесен дека е нарцисодина личност тој вели:

„Да, знам што сум и кој сум и не ми се допаѓа тоа. Јас сум студена, себична личност без срце и мислам дека немам ѕвезда во себе, односно она што ги прави луѓето посебни.

Немам сочувство кон другите, ниту љубов кон што било.
Се грижам само за тоа што јас сакам.

Не се грижам за тоа да имам долга љубовна врска. Не дека не сум имал, но секогаш сум ги лажел девојките со кои сум бил.
Сакам да бидам сакан, но не ме привлекуваат тие што ме сакаат.

Искрена љубов чувствувам само кон внука ми, која има 11 години.

Исто така, никогаш не им правам услуги на другите, освен ако јас немам корист од тоа.

Се дружам најчесто со луѓе кои се под мене ментално и емоционално затоа што сакам да се чувствувам супериорно на тој начин и да им биде лесно да им помогнам со нешто за да си го нахранам егото. Им наоѓам едноставно решение и уживам кога слушам ‘благодарам’.

Имам луѓе кои сметам дека ми се пријатели, но веднаш би се откажал од нив ако на каков било начин ми застанат на патот.

Не е ни изненадувачки што немам голем број пријателства што траат цел живот“.

На прашањето дали некој може да живее среќно со нарцисоидна личност, тој вели:

„Мислам дека зависи од типот на нарцисоидна личност, но во најголем број од случаите – не.

За мене љубовната врска секогаш е натпревар и јас би направил сè што е во моја моќ за да победам.

За да избегнете нарцисоидни личности би ви кажал да не се состанувате со луѓе во кои не гледате мани. Секој има мани, а нарцисоидната личност знае да ги прикрие многу добро.

И запомнете нарцисоидната личност не ви заборава и ќе ви врати 10 пати повеќе за злото кое сте ѝ го нанеле.

Искрено, мразам што сум ваков, осаменичко искуство е и на моменти не знам кој сум, но тоа е посилно од мене“.

Познавате ли вие некоја нарцисоидна личност?

С. С. | Црнобело