Сериски убијци кои биле пуштени од затвор и денес се на слобода

Чарлин Галего

Чарлин убивала заедно со нејзиниот сопруг Џералд.

Помеѓу 1978 и 1980 година, Чарлин и сопругот Џералд убиле најмалку 11 луѓе.

Повеќето биле тинејџери, а пред да ги убијат, сексуално ги малтретирале жртвите.

Кога биле фатени, на почетокот и двајцата ги негирале злосторствата.

Но, адвокатите успеала да ја убедат Чарлин да сведочи против Џералд, а како награда ѝ ја намалиле казната на 16 години и осум месеци.

Џералд добил смртна казна, но не бил егзекутиран.

Имено, тој бил затворен во Невада и додека неговата егзекуција да дојде на ред, смртната казна била укината.

Починал во затвор во 2002 година.

Чарлин била ослободена откако ја одлежала целата казна.

Александр Рубел

Александр кој бил роден во Украина, а живеел во Естонија, бил осуден за шест убиства.

Наводно, за првото убиство бил под дејство на дрога, а првата жртва била негов сосед со инвалидитет.

Бидејќи бил малолетен, добил само 8-годишна казна затвор – максималната казна што можел да ја добие малолетник во Естонија.

По одлежувањето на казната, бил ослободен и се претпоставува дека денес живее во Украина.

Педро Лопез

Познат како еден од најзлобните сериски убијци, постои веројатност Педро Лопез да не е жив, но никој не знае со сигурност.

Педро силувал и убил над 100 жени и девојчиња во Колумбија, а самиот тврдел дека имал над 300 жртви.

Најпрво бил затворен во Еквадор од каде што наводно бил ослободен за добро однесување.

По ова, бил депортиран во Колумбија, а бидејќи надлежните немале докази за да го затворат, го однеле во ментална установа.

Кога било утврдено дека нема проблеми со менталното здравје, тој бил ослободен со услов редовно да се пријавува во полициска станица.

Нормално, го прекршил условот, избегал и до денес не е познато каде е и дали е жив.

Спирова С. | Црнобело