Што е виножитото?

Пролетта пристигнува , но времето уште неколку месеци нема да биде потполно стабилно. Познавањата на просечниот човек за виножитото се ограничени.

 

 

Се состои од 7 бои, се појавува кога истовремено врне дожд и грее сонце, не е возможно да претрчате преку него...ни овие претпoставки не се целосно точни.

Секој физичар знае, дека спектарот на виножитото се состои од безброј бои, не само од основните седум.

Пред научниците да ги замешаат своите прсти и да ја откријат оваа појава постоеле безброј празноверија.

Викинзите верувале дека виножитото е мост со чија помош боговите се спуштаат меѓу луѓето. Претскажувале дека со крајот на светот и овој мост ќе биде срушен.

Јапонците веруваат дека виножитото претставува мост на душата, а некои афрички племиња стравуваат дека може да ги уништи. Во нашите краеви се верува дека на оној кој ќе претрча под виножитото, ќе му се исполни и најголемата желба.

Што всушност претставува виножитото?

Распрскана сончева светлина - која ги насочува капките дожд кон нашето око. Составена е од безброј зраци со заеднички почеток.

Секој зрак создава круг, но најмногу што може човековото око да забележи е само половина од овие кругови, во моментот кога виножитото ќе се појави кога сонцето е најниско на хоризонтот.

Како да го пронајдете? Кога сонцето ќе си поигра со капките дожд, завртете му грб, бидејќи средиштето на виножитото е секогаш спроти сонцето.

Ако сончевите зраци удираат во капките дожд под агол од 42 степени, ќе ги забележите овие бои на небото.