Само 3 лица успеале да побегнат од озлогласениот затвор Алкатраз - Како им успеало?

На 12-ти јуни 1962 година, за време на утринската проверка, чуварите забележале дека Џон и Кларенс Англин, како и Френк Морис не се во нивните келии.

Во нивните кревети, тие ставиле човечки глави што ги направиле од гипс. Им ставиле и вистинска човечка коса за да ги збунат чуварите.

Потрагата по нив почнала веднаш, а биле известени и од ФБИ.

Додека чуварите го пребарувале затворот, агентите и полицајците го пребарувале копното на Сан Франциско и ги интервјуирале луѓето да не имаат видено нешто.

Креветот на еден од затворениците со главата од гипс

Два дена потрагата била залудна, кога полицијата открила нешто на брегот на Сан Франциско.

Тие нашле писма адресирани до избеганите затвореници затворени во гумена торба. Нашле и две дрвени даски кои наликувале на весла, делови од гума, како и елек против давење кои си го направиле сами.

Импровизираниот спасувачки елек

Од ФБИ дознале дека и Ален Вест бил вклучен во планот за бегство. Но, не успеал да излезе од ќелијата навреме, па го оставиле.

Токму тој им открил детали на агентите за бегството.

Затворениците почнале да го планираат бегството уште во декември 1961-ва.

Внатрешноста на затворот во 1986-та

Во секоја ќелија имало отвор од вентилација. Користејќи остри алатки што можеле да ги најдат низ затворот, затворениците почнале да прават дупка околу решетката што го покривала вентилот за да ја извадат.

Да нагласиме дека ова било особено макотрпна работа бидејќи морале да бидат тивки, а и напредувале мошне бавно.

Штом ја тргнале решетката, тие ја покривале како знаеле – со картон, предмети од нивните келии и слично.

Отворот за внетилација во една од келиите

Од овој отвор, затворениците имале пристап до изолиран дел од затворот во кој немало чувари.

Овде тие си ја направиле нивната работилница каде што го правеле нивниот чамец за бегство, но и морничавите човечки глави со кои ги измамиле чуварите.

Потребните предмети и алати ги барале низ затворот – нешто краделе, а нешто веројатно добивале од другите затвореници.

Скришната работилница на затворениците

Тие употребиле над 50 мантили за дожд за да направат импровизиран чамец.

Направиле и дрвени весла.

Едно од импровизираните весла

Во меѓувреме, барале и начин да излезат од затворот, не само од келиите. Притоа, морале да најдат начин да го изнесат целиот чамец без некој да ги виде.

Тие успеале да најдат отвор од вентилација кој излегувал надвор, а бил доволно голем за да ги собере.

Отворот бил на место каде што немало стражари, па сфатиле дека тоа им е најдобриот излез од затворот.

Отворот од којшто избегале

Вечерта на 11-ти јуни, групата била подготвена.

Но, Алан Вест не успеал навреме да излезе од неговата ќелија преку отворот за вентилација, а останатите тројца не можеле да ризикуваат да го чекаат.

Тројцата затвореници излегле од градбата, ја прескокнале оградата и се искрале до брегот, каде што влегле во чамецот.

Отворот од којшто избегале

Што им се случило оттогаш, не знае никој, а експертите имаат неколку претпоставки.

Една од нив е можноста да стигнале до брегот на Сан Франциско и дека оттогаш успешно се кријат.

Можно е и да добиле помош од нивните семејства.

Сепак, повеќето се скептични дека преживеале.

Од ФБИ го затвориле случајот за бегството на 31-ви декември 1979 година.

Оттаму го предале на друга институција која до денес пробува да открие дали мажите, иако веројатно невозможно, сепак преживеале.

Прочитајте и: Затвореник кој се преправил во неговата ќерка и уште 5 обиди за бегство од затвор кои завршиле лошо

Спирова С. | Црнобело