28 часа бил заглавен наопаку во тесна пештера, телото до денес му е внатре: Трагичната смрт на Американецот Џон Едвард Џонс

Тунелот е свртен надолу, а Џон тргнал прво со главата, па останал заглавен наопаку.

Никако не можел да се врати назад, па се обидел да се турне и да продолжи напред.

Го издишил целиот воздух со надеж дека ќе ги со намали обемот, но со наредното вдишување се заглавил уште повеќе.

Маж во еден од тесните тунели во пештерата пред да биде затоврена

Кога брат му Џош го здогледал, пробал да го извлече за нозете, но безуспешно.

Џон сепак успеал малку да се придвижи напред, но со ова си ги заглавил рацете под градите и се нашол во уште полоша положба.

Брат му брзо излегол на површината да побара помош, додека Џон чекал цел час, 30 метри под земја.

Волонтер пробува да стигне до Џон

Иако дошле искусни спасувачи, тесните премини во пештерата, фактот дека Џон бил свртен наопаку, како и тоа што бил под земја значително ги отежнале обидите да биде спасен.

Во наредните 24 часа, над 100 спасувачи смислувале планови и стратегии за безбедно да го извлечат Џон.

Спасувачките екипи на влезот од пештерата додека пробуваат да го извлечат Џон

На крај, решиле да пробаат да го извлечат со јажиња и макари.

Го заврзале Џон со јажињата и почнале да го влечат со макарите. Но, едната макара се скршила поради лошиот агол под кој била поставена.

Спасувачите сфатиле дека овој план нема никако да успее и немале идеја што друго да прават.

Спасувач пробува да допре во Џон - се гледа и лошиот агол под кој е поставена една од макарите

Во меѓувреме, телото на Џон трпело вистински напор. Бидејќи бил свртен со главата надолу, неговото срце требало да работи двапати повеќе за мозокот да не му се наполни со крв.

Кратко пред полноќ на 25-ти ноември, околу 28 часа откако се заглавил, Џон бил прогласен за мртов – неговото срце престанало да чука.

Една недела по трагичната смрт на Американецот, властите го затвориле влезот од пештерата.

Бидејќи никој не успеал да го извади телото на Џон, до денес пештерата е неговиот гроб.

Спирова С. | Црнобело