Хумористични видеа: Астронаутите во вселената глумат Олимписки игри во бестежински простор

Сакајќи да ја разбијат монотонијата, астронаутите на Меѓународната вселенска станица си организираа „Вселенски олимписки игри“ и се натпреваруваа во четири „дисциплини“. Тие си доделија и медали, а на Твитер споделија и урнебесни видеа од игрите.

Моментално на Меѓународната вселенска станица има седум астронаути кои првпат во историјата организираа „Вселенски олимписки игри“. Се разбира, сето ова е само за забава, но астронаутите велат дека сепак си доделиле и медали.

Седумте астронаути се поделиле во два тима според леталото со коешто стигнале на станицата. Тимовите се викаат Soyuz и Dragon.

Астронаутот Томас Пескет сподели и смешни видеа од натпреварите на Твитер.

Мисијата на сегашниот екипаж на Станицата трае околу шест месеци, па астронаутите сакале да направат нешто што ќе им ја разбие монотонијата.

„Се справуваме со фрустрацијата со хумор“, изјави астронаутот од екипажот за Insider.

Погледнете како изгледаа вселенските олимписки игри:

Според астронаутите, првиот натпревар бил „уметничко пливање во бестежинска состојба“, каде што секој нив изведува разни акробации без да допре дел од Станицата.

Space #Olympics 1/4:
Lack-of-floor routine – much 👏 to Pyotr for completing his routine without touching anything, a difficult feat!
🥇
Gym hors-sol – on ne dirait pas comme ça, mais les immobilisations en plein vol de Piotr requièrent une grande expérience#MissionAlpha pic.twitter.com/gXAHSHHmcu

— Thomas Pesquet (@Thom_astro) August 6, 2021

Вториот натпревар е можеби најсмешниот и е наречен „одбојка без раце“. Овојпат астронаутите бркаат мало топче низ станицата, но не го допираат, туку го движат со дување.

Space #Olympics 2/4:
No-handball – we had to adapt the rules a bit during the match, much investment on both sides for the win.
🏐
Handball sans les mains – les règles ont dû être adaptées au cours d’un match que nous décrirons sobrement comme intense. pic.twitter.com/dVOv3GRThD

— Thomas Pesquet (@Thom_astro) August 6, 2021

Третиот натпревар е „синхронизирано вселенско пливање“. Во описот на видеото, астронаутот Томас вели дека ова била одлична можност да покажат дека сите се тимски играчи.

Space #Olympics 3/4:
Synchronised space swimming – an opportunity to show teamwork and crew cohesion.
🤝
Flottation synchronisée – l’occasion de démontrer une des plus importantes compétences un astronaute : l’esprit d’équipe #MissionAlpha pic.twitter.com/Ljo65AkzNQ

— Thomas Pesquet (@Thom_astro) August 6, 2021

Четвртиот натпревар е стрелање – астронаутите се обидуваат да погодат мета со ластик во бестежинска состојба. Како што стои во описот, за оваа дисциплина се потребни голема концентрација и вештини, но во овој случај и среќа.

Space #Olympics 4/4:
Weightless sharpshooting – concentration and skill (or luck) proved necessary to reach the target.
🎯
Tir sans gravité – concentration et persévérance ont dicté cette épreuve pour bien négocier la trajectoire des élastiques#MissionAlpha pic.twitter.com/eV2cSxEWQ5

— Thomas Pesquet (@Thom_astro) August 6, 2021

На крај, тие направија и церемонија со која официјално го обележаа завршувањето на Вселенските олимписки игри.

https://twitter.com/Thom_astro/status/1424278282300702720

Спирова С. | Црнобело