Може да имаат различни татковци и различни родендени – Интересни факти за близнаците што можеби не сте ги знаеле

Често се говори дека постои посебна конекција што е еднаква на телепатија меѓу близнаците, но научно не е докажано дека постои таква поврзаност меѓу нив. Сепак, се знае дека често близнаците имаат „свој јазик“ со гестови, мимики и сленгови што го разбираат само тие.

Најчесто се раѓаат со разлика од само неколку минути, но постојат близнаци што се родени во различни денови. Aко се родени во периодот пред и по полноќ, близнаците може да дојдат на свет во различни денови и години или милениуми.

Во некои случаи кога има компликации во бременоста, едното дете може да биде родено предвреме, па така најдолгата забележана разлика меѓу близнаците Моли и Бенџамин Вест од Балтимор изнесува 90 дена.

Се случува мошне ретко, но возможно е двојајчените близнаци да бидат зачнати од различни татковци. Ваквите близнаци со оглед дека делат ДНК само од мајката, носат сличности како полубраќа или полусестри.

На англиски терминот irish twins (прев. ирски близнаци) означува браќа и сестри што се родени со разлика до 12 месеци. Тоа во основа не се вистински близнаци затоа што не се родени во ист гестациски период, туку се браќа и сестри со многу мала генерациска разлика.

Б. С. Б. | Црнобело