Милионски приходи, гласини дека се премажила за 20 години помлад маж – Каде е денес поранешната сопруга на Владимир Путин?

Од 2000-тата година, кога станала прва дама на Русија, Људмила често била критикувана поради изгледот, затоа што преферирала скромни модни изданија со ролки и јакни, како и несоодветни материјали.

Таа побарала помош од стилисти и модни дизајнери, а редовно го следела нејзиниот сопруг на службените патувања до 2009-та година.

Во 2010-та година откако Људмила престанала да го придружува Путин на патувањата почнале да се појавуваат шпекулации дека  нашла утеха во алкохолот.

Во 2013-та година, во свое обраќање до јавноста по театарска изведба, Путин и Људмила дадоа изјава дека ќе се разведат и дека нивниот брак е готов затоа што воопшто не се гледаат.

„Владимир е посветен на политиката, нашите деца пораснаа и имаат сопствен живот. Ние двајцата имаме сопствен живот. Јас искрено не сакам да бидам во центар на јавноста и тешко ми е да патувам со авиони постојано“ – рече Људмила во 2013-та година.

Од нивниот развод, Људмила се обиде во целост да се повлече од јавниот живот и да живее подалеку од очите на јавноста.

Дел од светските медиуми пишуваа дека таа се премажила за 20 години помладиот Артур Очеретниј со кого живее во јужна Франција. За овие информации немало коментари во медиумите, но тие двајцата биле фотографирани во една прилика во Лондон.

Б. С. Б. | Црнобело