Убил над 36 жени, не чувствувал вина за ниту една од нив – Кој е Тед Банди, најозлогласениот убиец на 20-тиот век?

По второто бегство во декември, Тед отишол во Флорида и само околу еден месец по бегството нападнал четири студентки во нивната соба и убил две од нив. Следниот месец, Тед киднапирал и убил 12-годишно девојче.

Кратко по овие убиства Тед конечно и за последен пат бил фатен од полицијата, по што почнало неговото судење и јавноста сфатила за каков монструм станува збор.

Тед самиот признал дека убил 36 жени, но оние кои работеле на случајот се сомневаат дека бројката можеби стигнува и 100. На 12 од жртвите Тед им ја пресекол главата. Уште поморничаво е тоа што Тед изјавил дека не чувствува вина за буквално ништо.

Во периодот кога почнал со убиствата, Тед имал девојка – самохрана мајка со проблеми со алкохолот. Со неа Тед се однесувал прекрасно, но таа почнала да ги забележува доцните излегувања како и фактот дека чува сатар во фиоката од бирото, па се посомневала дека се случува нешто. Всушност, таа и тајно го пријавила во полиција во 1974-та, но никој не ѝ поверувал.

Следната година таа повторно отишла во полиција, овојпат со докази, со тоа помагајќи во неговото апсење. По ова, нормално, таа го оставила.

Додека ја чекал пресудата, во 1980 година Тед се венчал и добил ќерка со сопругата Керол Ан Бун. Наводно, Керол не верувала дека тој е виновен за убиствата, но три години пред неговата егзекуција нештата ѝ се разјасниле, па се развела од него. Не е познато што се случува со нивната ќерка.

Банди бил во затвор неколку години, а имал добиено неколку доживотни казни, како и смртна. Убиецот е погубен на 24 јануари 1989 година.

Поради неговиот шарм, Тед бил славна личност со бројни фанови додека траело неговото судење. Оние кои го познавале лично, неретко имаат изјавувано дека Тед бил најшармантната и најинтелигентната личност што ја познаваат – нешто што дефинитивно му ја олеснило работата.

На денот на егзекуцијата имало цела толпа народ пред затворот кои пукале и огномети откако Тед бил убиен.

Сите нè лазат морници кога помислуваме на Тед Банди, најмногу поради фактот што тој воопшто не изгледа како убиец. Кога би го сретнале на улица, можеби дури и ќе ви се допаднел. Всушност, многумина велат дека Тед е одличен пример за тоа како би изгледал психопат убиец - како шармантен и интелигентен човек, а не како чудовиште од кое би бегале сите.

Спирова С. | Црнобело