Најнискиот Џејмс Бонд кој всушност има страв од оружје – факти за маестралниот „таен агент“, Даниел Крејг

Даниел Крејг е британски, телевизиски актер и продуцент, а воедно претставува еден од најистакнатите професионалци на светското филмско небо.

Роден е на 2 март - 1968 година, во Честер. Актерската кариера ја започнал со изведување на театарски претстави, откако дипломирал на „Гилдхол“ - школа за музика и драма, во Лондон во 1991 година.

Даниел е оженет со актерката Рејчел Вајс со која има ќерка која будно ја крие од очите на јавноста, а од првиот брак со актерката Фиона Лудон, исто така има ќерка по име Ела.

Даниел Крејг е еден од најпознатите англиски актери и е добитник на многу филмски и театарски награди, а најпознат е по улогите на единствениот Џејмс Бонд.

Додека нетрпеливо ја чекаме новата премиера, насловена No Time To Die, која се очекува да излезе на почетокот на месец октомври, во продолжение ве запознаваме со најинтересните, несекојдневни детали поврзани со животот и делото на славниот актер.

1. Даниел Крејг, всушност е најнискиот актер кому му припаднала улогата на Џејмс Бонд

Неговата висина изнесува околу 1,78 сантиметри, со што Шон Конери, Роџер Мур, Пирс Броснан и сите негови останати претходници се повисоки од него најмалку 5 сантиметри.

2. Во минатото не можел да ѝ одолее на убавината и харизмата на Никол Кидман

Oвие брилијантни актери имаат повеќе заеднички, филмски соработки, така што на прашањата поврзани со Никол Кидман, Крејг навистина не можел да остане имун.

„Таа е извонредна, навистина ме возбудува на посебен, и се разбира позитивен начин“ – изјавува Крејг во едно од своите интервјуа.

3. Неговото целосно име е Даниел Врутон Крејг

Голем број луѓе, дури и негови колеги и соработници не го знаат целосното име на најпознатиот Џејмс Бонд актер, бидејќи и тој самиот најчесто се претставува единствено како Даниел Крејг.

4. Даниел имал публицирана афера со Кејт Мос

Имено, станува збор за снимен телефонски разговор, пронајден во телефонот на Кејт Мос, каде што Даниел изјавува љубов на познатиот супермодел.

5. Бил еден од најдобрите рагбисти во клубот „Хојлејк“

Даниел го обожава спортот, а една од неговите најголеми пасии е рагбито, кое сега, во подоцнежните години обожава да го следи како на трибините, така и покрај малите екрани.

6. Крејг има страв од оружје 

Неверојатно, зарем не?! Aктерот кој воедно претставува олицетворение на акционите филмови, најмногу мрази пиштоли.

7. Се откажал од цигарите пред да го сними филмот Casino Royale, но и ден-денес води битка со старите навики

Во 2006 година, при подготовките за делот Casino Royale, Крејг ги откажал цигарите и се здебелил околу 10 килограми.

Тој во едно од своите интервјуа изјави дека преферира Џејмс Бонд да не пуши цигари.

8. Даниел Крејг е страстен навивач на фудбалскиот клуб „Ливерпул“

Тој особено го идолизира некогашниот капитен Стивен Џерард, кој на некој од натпреварите го чекал Крејг во фоајето на Ливерпул, сакајќи да се фотографира со најпознатиот таен агент.

9. Анкета направена од марката кондоми „Дурекс“, го прогласи Даниел за „Најсекси маж“ во 2006 година

Британскиот актер се нашол на врвот на анкетата, со самото покажување на затегнатите мускули во првото излегување како Џејмс Бонд - хит авантурата Casino Royale.

10. Крејг е првиот Џејмс Бонд актер кој се родил по првиот дел од филмскиот серијал

Роден во 1968 година, Крејг е првиот актер кој го толкувал Џејмс Бонд, а бил роден по почетокот на емитувањето, а воедно и по смртта на Јан Флеминг, писателот на романите.

Имено, првиот филм за тајниот агент Џејмс Бонд е емитуван во 1963 година, 5 години пред раѓањето на Даниел Крејг. 

Мила М. | Црнобело