„Патлиџан турист“ е балкански синдром - На светските плажи никој не осудува, не му е гајле што јадеш и пиеш
А, бразилските плажи се права журка! Нема лежалки, многу ретко бич-барови, само на некои помондески локации.
Најпознатите Ипанема и Копакабана воопшто немаат лежалки, ни барови, само шанкови и места да се изнајми чадор. Не ни има место каде се легне од што се преполни.
Ама затоа има огромни мрежи за одбојка и игралишта за фудбал на песок, подвижни шанкови кои нудат пиво, компирчиња и кокоси, па дури и мали подвижни скари!
На плажа се трга со неопходната опрема - кулер со пиво и звучник. И секој на плажа си е во свој филм, во свој момент на уживанција!
@rrhiannonrogers 📍Copacabana, Rio de Janeiro, Brasil 🌊 #traveltok #brazil #brasil🇧🇷 #brasil #brazilian #brasileira #travel #traveltiktok #travelbucketlist #praia #beautifuldestinations #rio #riodejaneiro
♬ Download TripBFF - tripbff🌎
Истото и во Америка. Доволно е да пребарате на ТикТок како да се подготвите за на плажа. Сите од дома со мали фрижидерчиња, полни со пијалаци, грицки, овошје и салати.
И, никој тоа не го нарекува патлиџан туризам или немање култура! Туку е нешто сосема нормално.
@jussayah Beach day w/the kids! #beach #beachday #kids #fun #funday
♬ original sound - DIY & Design | Lindsay Dean
На Карибите малку поразлично - плажите се поделени, или се слободни или со барови, но сепак лежалките не се толку блиску едни до други. Така што може секој да си го одбере начинот на уживање.
@lady__dc Beautiful Bridgetown 🇧🇧 #barbados #bridgetown #traveltiktok #bridgetownbarbados #beachlife
♬ SNAP - High and Fast - Rosa Linn
И слободните зони од плажите се оние поубавите, со почиста вода, поубав пејзаж и многу палми, за разлика од јадранското крајбрежје каде најубавите места се најчесто и најскапи, па ако се одлучиш за свој пешкир, ќе мора да го ставиш меѓу камења, некаде на крајот на плажата.
И барајќи повеќе на темата за овој балкански феномен, прочитав дека терминот „патлиџан туризам“ настанал во 80-тите, посебно за Србите кои летувале во Грција.
Во тој комунистички период, најчесто се летувало во хотели и кампови обезбедени од фабриките, па само оние со подобри финансии можеле да летуваат во Грција, посебно на плажите во близина на Солун.
Тоа било и шопинг и летување, бидејќи во Југославија немало многу можности за купување на познати марки, производи и облека. Па, после шопингот оделе во апартманите близу плажите. Готвеле во малите кујни, па ручекот го носеле со себе на плажа.
А, балкански ручек не може без салата, па оттаму и терминот „патлиџан туризам“, што нема никаква релација со модерно сфаќање на овој летен феномен.
Во српските туристички агенции, пак, се вели дека „патлиџан туризам“ е за оние туристи кои се одлучуваат за одмор на крај сезона, од дома тргаат со вреќи пипер и домати и ја користат струјата во апартманите да си направат зимница.
Велат дека тие туристи се срам за агенциите, бидејќи многу грчки сопственици на апартмани ги откажуваат договорите. И да бидам искрена, да, ова толкување на патлиџан туризмот е вистински срам!
@locoify #paradajz #turist #croatia #bosnian #balkan #sea #more #odmor #hrvatska #makarska #tucepi #podgora #zivogosce #plaza #ljeto #imadamoze 🤌🏻😘♥️
♬ Police Car Siren - Merrick Lowell
Во последниве години, патлиџан туристите се синоним за немање доволно финансии за „прав одмор“ со трошење по стотици евра на ден во барови и ресторани, па и затоа има навреди во стилот - „ако немаш пари, седи си дома“.
Премногу се замараме со другите и што тие прават, како се облекуваат, како и каде летуваат, наместо да уживаме во момент. За некој - момент на хедонизам и удобна лежалка и леден коктел, за друг - пешкир на плажа и ручек од дома во круг на семејството, трети сакаат ресорти со пет ѕвездички, а други пак авантури со шатор!
Не е важно што јадеш на плажа, важно е што можеш на неколку дена да релаксираш на морскиот брег, да ги наполниш батериите и да уживаш под сонцето.
Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com
©CRNOBELO.com Забрането преземање и копирање. Крадењето на авторски текстови е казниво со закон.
И. Ј. | Црнобело
Би можело да ве интересира:
Препорачуваме
Најчитани неделава
